Kadai 1Malaysia ukabon id poliliput pogun
Lobi kogumu’ Kadai 1Malaysia do maan ukabo’ doid poliliput pogun kaampai no tongo’ watas montok papasaga’ tulun ginumuan maganu pangaba’ kobuuburuon kagaaganapan miampai gatang i omurah om poinpatut.Montiri Pidagangan Suang Pogun, Koperasi om Koponggunaan Datuk Seri Ismail Sabri Yaakob, minoboros do bohogian disio maamaso mongintutun di koiyonon i kosudong montok koponuridangan do kadai nokomoi.
“Soginumu’ do 60 tinan kadai sopiagal dilo’ i maan turidongo’ doid poliliput pogun do toun tiso’, tolu mantad dilo’ maan turidongo’ doid Pahang ilo’ nopo nga’ id Bera, Kuantan om Pekan,” ka disio kuminaa magaganu habar katalib tuminindapou do ramai tadau raya peneroka Felda Tembagau, doros hiti, di songkosoodop.
Minoboros isio do soginumu’ do 25 tinan kadai sopiagal idlo’ maan turidongo’ pogulu koompokon toun.
“Kadai 1Malaysia diti okito do kapanahak sumpili’ kumaa tulun ginumuan montok maganu pangaba’ kagaaganapan diolo’ miampai gatang di lobi poinpatut,” ka disio.
Sabah Times
Kadazandusun Language.
0 comments:
Post a Comment